Gazetarja Ilnisa Agolli ka tërhequr vëmendjen e publikut me një postim të veçantë në rrjetet sociale, duke ndezur menjëherë thashethemet se ajo mund të ketë hyrë në një lidhje të re.
Në imazhet e publikuara, Ilnisa shfaqet me një dhuratë mjaft domethënëse, një buqetë me lule në formë zemre, e cila zakonisht shoqërohet me mesazhe dashurie dhe kujdes nga një person i afërt e i rëndësishëm. Por ajo që u ka dhënë më shumë peshë dyshimeve është pikërisht përshkrimi që gazetarja ka vendosur krahas fotove.
“Me pusullë apo pa pusullë, dy sy shkëlqejnë”, – ka shkruar Ilnisa, duke e lënë publikun të mendojë se këto fjalë i janë kushtuar dikujt të veçantë në jetën e saj.
Ky postim vjen pas ndarjes së bujshme nga Meritoni, histori që u komentua gjerësisht në media dhe rrjete sociale. Për këtë arsye, shumë ndjekës e kanë interpretuar dhuratën dhe fjalët e saj si një konfirmim të heshtur se në jetën e Ilnisës ka hyrë dikush i ri.
